ماهنامهء آیدین اندخوی  ماه عقرب سال 1387

باش مقاله

بوتون دنیا بوییچه ییگیتلرروزی مناسبتی گه

ییـــــگیتلر اورنـی جــــامعه ایشلرینی آلدین آلیب باریش توغریسیده

 همه گه بیللی دورکیم ییگیتلر جامعه نینگ بیر کته بولیمینی قورشب کوچلی وفعال کیشیلر ایرورلرویورکلری ایزگووتورلی انسانی تویغو لردن تولیق، اوشبوایزگوتویغولر الرنی جامعه گه خدمت ایتیش یولیگه قیزیقتیریب باشقره دی واولوغ بورچ لرینی یترلی صورت ده بجره دیلر.

ماهنامهء آیدین اندخوی  ماه میزان سال 1387

باش مقاله

 بنگوار ماده لرقرشي سيگه کورشماق انساني بورچ لردن دير

بوکون دنيا بوييچه بنگوارماده لرکوپ کته قيين چيليک تانيله دي وکوپ کيشي لرني بواولوم کيتوروچي ماده ازغنچ داميگه اورب آلگن دور وبو خطرلي دامگه ايلگوچي لرکون سايين کوپه يب بارماقده دير. اوشندي که کوره ميزبوبلا داميگه باشقه لردن کوره کوپراق ييگيت لرمبتلا دورلرانينگ کوپراق علت وانگيزه سي هم فقروايش سيزليک دير. بيلماق کيرک بنگوارماده لريگه يولوقگن کيشي لربرينچيدن  عايله وخانواده سي کانونيده محبوبيت لريني قولدن بيريب کيين چه ليک سيکين سيکين جامعه ده هم اعتبار ومحبت سرمايه سي ني قولدن بيرورلر.

 باش مقاله

          واذ تاذن ربكم لئن شكرتم لازيدنكم ولئن كفرتم ان عذابي لشديدروزه اسلام اساسی بنالریدن بیری حساب بوله دی و شوکبی روزه نفس و روح نینگ صاف لش و یوقاری مرتبه گه ایریشتیریش توغریسیده اساسی رکن لردن دیر. رمضان آیی انسان روحیگه تقویت بغیشلیدی، بو آیده انسان اوز اوزدین یمان ایشلرگه قول اوریش دن پرهیز قیله دی نیگه کیم انسان خواه لیدی بو آیده هر دایم ثواب و عزت کیتوروچی ایش لر گه  قول اورسه و هیچ قچان دنیایی و مادی مفاد لرنی قولگه کیلتوریش اوچون عزتی نینگ اوستیگه قدم قویمیدی بلکه دعا و تیلک بیله خداوند درگاهیدین اوزی، عایله و جامعه سیگه تینچلیک و روح آرام لیک نی ایستیدی، خدواند درگاهیگه مادی و معنوی نعمت لرنی عطا قیلگنی اوچون شکر لر ایلب عبودیت بجا کیلتیره دی. البته خداوند (ج) شکر ایله گن بنده لرگه ینه ده فراوان لیک و تورلی نعمت لر عطا قیلور. اوشندی کیم یوقاریده ایتیلیب اوتگن آیه شریف اوشبو مضمون نینگ دلیلی ایرور.

ماهنامهء آیدین اندخوی  ماه اسد سال 1387

باش مقاله

سالم فرزند تربیه لش خواده لرنینگ مهم بورچ لریدن دور

     بـيللي  دورکيم ينگي دنياگه آديم قويگن باله خانواده ده اورته گه کيلور بيرنچي ده اجتماعي بوليش وهم فکر ليک تعامل لريني خانواده وآنه سيني ايتاکيدن اورگه نيب وخانواده نينگ باشقه اعضالري بيلن بيرگه ليک ده اونيم تاپه دي،اوشبو دليل سبب لي بيرنچي ده آته آنه لرواندين سونگ خانواده نينگ باشقه اعضالري گه لازم دورکيچيک باله لرني رواني،جسمي وياش پيت ده کي احتياج لریني انگلب وآني تيارلش گه کوشش قيلسه لر تااولرنينگ تيلک وضرورت لري عمل گه آشيريليب ، کيله جگ ده اوندن انداغ انسان لراورته گه کيلسه کيم رواني وجسمي بعد يوزه سيدن سالم ويخشي اميد لرايله جامعه ده اورين آليب نتيجه ده سالم وتينچ جامعه ني اورته گه کيلتورسه لر. بيلورميز کيم سالم ومطمئن جامعه سالم بي غش انسان لربوليشي بيلن اورته گه کيله دي.

 نشریه ماه جوزا سال 1387

باش مقاله

آنه لرروزي مناسبتي گه

         جوزا آيي نينگ  24نچي سي 2008 نچي ميلادي ييل جون آيي نينگ 13نچي سي گه مطابق آنه لرروزي ديب اتلگن دور، که بوتون دنيا خلق لري ايريم مملکت لرده عزيزآنه جان لرروزي ني اولوغ لب حرمت قيلورلروشان لي محفل واولتيريش لرآرقه لي آنه حقي ده سوزآليب باريب آنه لرگه کونگل باغيدن سيلنگن حرمت گل دسته لري ني ساوغه بيريش بيلن بول روزگه قدسيت بيريب نشان ليديلر.