باش سۉز

      تیل و مدنیت :

       تیللر نینگ اېنگ اعلی سی آنه تیلی دیر. ملی لیک هم تیل آرقه لی نمایان بۉله دی. مادامیکه شوندای اېکن، آنه تیلی نی اسره ش و اونی تکامل لشتریش انه شو تیل و مدنیت وکیل لری ذمه سیگه یو کلنه دی. تیل مدنیت نینگ اساسی ترماغی عینی پیتده او مدنیت رواجی بیلن رواج لنه دی ، بایې دی و استعمال درجه سی کېنگیه دی. شو جهت تیل و مدنیت بیر – بیری بیلن چمبر چسپ باغلیغ . تیل سیز حیات نا ممکن بۉلگنی کبی مدنیت سیز هم ترقیات چۉققی لرگه اېریشیش امر محال دیر.

       تیل و مدنیت نی محافظه قیلیش ، رواج لنتریش و بای اېتیش انه شو تیل و مدنیت گه منسوب کیشی لر نینگ اجره لمس وظیفه سی حسابله نه دی.

       تیل و مدنیت نی جوشقین تېنگیزگه اۉخشه تیش ممکن. او تورلی تاغ – تاش لرنی آرتده قالدیریب منزل مقصودگه یېتیب بارگونیچه تورلی باسقیچ لرنی باسیب اۉته دی و خېل مه -  خېل عامل لرگه دوچ کېله دی. تیل هم تورلی دورلرده تورلی تیل ومدنیت لر بیلن اۉز ارا مناسبت ده بۉله دی. باشقه تیل لرگه سۉز و عباره لر بېره دی و اولردن سۉز و عباره قبول قیله دی .

     هر قنده ی تیل و مدنیت ده شو تیل و مدنیت گه منسوب خلق نینگ تاریخی اۉز افاده سی نی تاپه دی. اگر تاریخ باققه قیاس قیلینسه مدنیت اۉنده گی درخت و تیل ایسه انه شو درخت نینگ شاخه لری حسابلنه دی. باغ نینگ درخت و شاخه لریدن بهره آلیش اوچون اونی پرورش قیلماق کېراک . شونده گینه باغ آباد و درخت ثمره لی بۉلیشی ممکن. 

   هر قنده ی تیل جمله دن  تورک تیلی نی هم انه شو باغ نینگ درخت و اونینگ لهجه لرینی ایسه اوشبو درخت نینگ شاخه لری دېب تصور قیلیش ممکن. تیل و مدنیت نی رواج لنتریش اوچون باغ ، اونده گی درخت و درخت شاخه لرینی دایما اسره ب اوایلب توریش ضرور ، عکس حالده ، باغ هم ، درخت هم قۉلدن کېتیشی ممکن.