|
شماره چهارم و پنجم سال اول ماه اسد و سنبله 1387 |
|
باش سۉز
معلوم که، "آیدین افغانستان" فرهنگی اویوشمه سی بوندن تۉرت ییل آلدین کابل ده تشکیل اېتیلدی. عموماً آلگن ده اوشبو اویوشمه نینگ مقصدی اۉقووچی لرگه یاردم کۉرساتیش دن عبارت . بو یاردم لر سیره سیگه اۉقوچولر اوچون یاتاقخانهلر حاضرلش، اولر گه مدنی، فرهنگی و معارف ساحه لریده مادی و معنوی همکارلیک قیلیش کیره دی. "آیدین اویوشمه سی" نینگ کابل دهگی "آیدین یاتاقخانه سی" انه شوندهی فعالیتلر جملهسیدن دیر. هر بیر اولکه نی اۉقیمیش لی آیدین انسانلر گه ضرورتی بار. بیراق بو ضرورت افغانستان اوچون بیرینچی اۉرین ده توره دی. چونکه افغانستان نه فقط کۉپ ییل لیک اوروش نی باش دن کېچیرگن، بلکه اهالی سی نینگ کتته قسمی سوادسیز بۉلیب کیلگن. انه شو ایککی سبب گه کۉره عریز اولکه میز افغانستان علم و فن گه و تورلی ساحه لر بۉییچه متخصص لرگه محتاج اولکه حساب لندی. بیر اولکه نینگ آرقه ده قالیشی گه اېنگ اولا اونده گی تعلیم – تربیه و معارف ده گی کم چیلیک و یېتیشموچیلیک لر سبب بۉله دی. شو باعث آیدین افغانستان فرهنگی اویوشمه نینگ اعضالری اولکه نینگ کېله جگی نی توشونیب، آیدین بیر افغانستان تامان آدیم تشلب، آیدین یاتاقخانه لرینی تشکیل اېتگن. آیدین افغانستان فرهنگی اویوشمه سی نینگ بیرینچی یاتاقخانه سی بوندن ایککی ییل آلدین مزار شریف ده فعالیت اېته باشلگن اېدی. قوانرلی سی شونده که بو یاتاقخانه لر سانی کوپ اوتمای ایککی گه کوپایدی. ایککینچی یاتاقخانه 1387 تعلیمی ییل باشی ده کابل ده تحصیل آله یاتکن عالی اۉقوو یورت لری محصل لری اوچون ایشگه توشیریلدی. بو یاتاقخانه ده کابل عالی اۉقوو یورتلری گه کامیاب بۉلیب کېلگن محصل لر یېرلشگن. افغانستان اسلامی جمهوریتی عالی اۉقو یورتلری وزیرلیگی تامانیدن یاتاقخانه بېریلمه گن ولایت لردن کېلگن محصل لر آیدین اویوشمه سی یاتاقخانه سیده قاله دیلر. عکس حالده، بوندای محصل لر دولت اولرگه یاتاقخانه بېرمه گنی اوچون عالی اۉقو یورت لرینی ترک اېتیب قیتیب کېتیش گه مجبور بوله دیلر. شو باعث آیدین افغانستان فرهنگی اویوشمه سی اعضالری بونده ی محصل ییگیت لر معمالرینی حس قیلیب، اولرگه ایناغه لیک قول لرینی چۉزیب، بیلیم آلیش دن محروم قالمس لیک لری اوچون یاتاقخانه آچیش گه بېل باغله گن لر. کابل ده گی آیدین یاتاقخانه سی ده یشش اوچون برچه امکانیت لر موجود. درس اۉقیش اوچون مناسب شرایط یره تیلگن. آیدین یاتاقخانه سیده کتابخانه کمپیوتر اتاقی، مسجد، طعام خانه تۉختاوسیز ایشلب توریبدی. بوندهی یاتاقخانه لر نینگ تشکیل اېتیلیشی دن اساسی مقصدی عزیز اولکه میز افغانستان یاش ییگیت لری تشویش سیز تحصیل قیلیش دیر. عبدالرحیم معصومی
|