|
شماره چهارم و پنجم سال اول ماه اسد و سنبله 1387 |
|
شوندهی ییغین لر دوام ایته ویرسین
اسد آیی نینگ (24)-نچی کونی توش دن کیین فاریاب ولایتینینگ سناتورلری محمد هاشم اۉرتاق و محمد اکبر وحدت، آیدین افغانستان فرهنگی اویوشمهسی باشلیغی حرمتلی محمد عارف صدری، هیت و اعضالری، توران اجتماعی مدنی بنیادی نینگ باشلیغی حرمتلی اسدالله ولوالجی ورهبر هیئتی نینگ بعضی اعضالری، بیرقطار یاشلرو کابلده تحصیل آله یاتگن محصل لر آیدین افغانستان فرهنگی اویوشمه سی نینگ کابلده گی محصل لر یاتقخانه سیده تۉپلنگن اېدیلر. مذکور ییغینده آیدین افغانستان فرهنگی اویوشمه سی هیئت اعضاسی و کابل عالی اوقوو یورتی ادبیاتی فاکولتهسی نینگ تورکی تیللر دیپارتمنتی استادی عبدالرحیم معصومی نینگ سۉنگی کتابی ( کل اۉغلان ) و آیدین مجله سی نینگ تقدیمات مراسمی بۉلیب اۉتدی.
مراسم باشیده، بیرینچی بۉلیب آیدین افغانستان فرهنگی اویوشمهسی رییسی محمدعارف صدری اوشبو انجمن فعالیتلری اوستیده توخته لیب، آیدین افغانستان نینگ اۉتگن تۉرت ییل آره سیده عملگه آشرگن ایجابی ایشلری باره سیده حسابات بېردی. فغانستان معارف وزیرلیگینینگ اوچینچی تیللر بۉییچه مصلحتچیسی، اۉزبېک تیلشناسی و یازووچی عزیزالله آرال سۉزگه چیقیب، آیدین افغانستان فرهنگی اویوشمهسی نینگ معارف و فرهنگ ساحه سیده عملگه آشیره دېگن فعالیتلری نی آلقیشلب، مذکور اویوشمه اعضالری جمله دن جناب معصومی نی (کلاۉغلان) اېرتکلری تۉپلمینی نشر اېتیشگه مؤفق بۉلیشی مناسبتی بیلن صمیمانه تبریکله دی.
یقینده لندن دن افغانستان گه کېلگن دکتور سخا آصفی هم نوبت بیلن نطق سۉزلب، حاضرگی کونده افغانستان ایچکریسیده مدنی – فرهنگی فعالیتلرعملگه آشیریله یاتگه نیدن اۉز خرسند لیگینی اظهار اېتیب، بونده ی مهم ایشلر اوزلوکسیز روشده یۉلگه قۉییلیشی ضرورلیگینی قید اېتدی. جناب دکتور سخا فرهنگی اویوشمه لردن حمایه اېتیش ملت نینگ اینیقسه بدولت کیشی لرنینگ وظیفه سی بۉلگنینی تاکیدلب آیدین افغانستان فرهنگی اویوشمه سی و باشقه فرهنگی و مدنی تشکیلاتلردن حمایت اېتیشینی اعلان اېتدی. اۉزبېک ژورنالستی، شاعر ویازووچی محمد عالم کۉهکن اۉز صحبتیده، اوشبو مراسم اۉزیگه خاص معنوی و ملی اهمیتگه اېگه بۉلگنینی بیلدیریب، آیدین افغانستان فرهنگی اویوشمه سی اعضالرینی (آیدین) کۉزله گن مقصدلرگه اېریشیش اوچون اۉز عزم واراده لرینی تاباره مستحکم اېتیشگه چقیردی. شونینگدیک مراسمده دنمارک ده اقامت قیله دېگن" افغانستان تورکلری فرهنگی فدراسیونی" نینگ مرکزی کېنگشی اعضاسی و "باتور" ییگیتلرتشکیلاتی باشلیغی جمشید وطندوست همده سعودی عربستانیده اقامت قیله دېگن مرحوم شاعر عبدالرحیم اوچقون نینگ اۉغلی – عبدالرشید ماهرنوبت بیلن چیقیش قیلیب، افغانستانلیک تورکی خلقلر فرهنگی لری جمله دن آیدین افغانستان فرهنگی اویوشمه سی نینگ تیل، ادبیات، معارف و مدنیت ساحه سیده عملگه آشیره دېگن خذمتلرینی آلقیشلب، منتدار چیلیک بیلدیردیلر. (آیدین) مجله سی نینگ مسوول مدیری و (کل اۉغلان حکایتلری ) تۉپلمی مؤلفی عبدالرحیم معصومی (کل اۉغلان) حکایه سی نینگ کتاب حالیده چاپ اېتیلیشی و آیدین مجله سی باره سیده معلومات بېریب، بو ساحه ده همکارلیک قیلگن برچه فرهنگی کیشی لر گه اۉز منتدارچیلیگینی بیان اېتدی. مراسم سۉنگیده (اېپک یۉلی) نامیده گی خیریه بنیادی نینگ ساوغه سی اۉله راق بیر لپ تاپ کمپیوتر اوشبو بنیاد رییسی حرمتلی عزیزاﷲ آرال تامانیدن جناب معصومی گه تقدیم اېتیلدی. شونینگ دیک، محفل اشتراکچی لریدن داکتر سخا آصفی اوز تمانیدن آیدین یاتاقخانه سی گه بیرته یخچال، بیرته کیر یووهدیگن ماشین و یاتاقخانه نینگ اوچ آیلیک کرا سی نی بیریش گه وعده بیردی. ییغین اشتراکچیلری آیدین افغانستان فرهنگی اویوشمهسی طرفیدن یارلنگن ضیافت ده قتنه شیب، شونده ی ملی و معنوی اهمیتگه اېگه فرهنگی ومدنی مراسملر تیز- تیز اویوشتیریشلیشی ضرورلیگی نی تاکیدله دیلر. کۉره گان تۉره
|
