|
شماره چهارم و پنجم سال اول ماه اسد و سنبله 1387 |
|
یېر تۉغزی سیده قیسقه معلومات
یٻر اوستیده تیریکچیلیک قیلهمیز و اوندهکیبار نرسهلردن فایدهلنهمیز. عـالملـر اَیتیشیگـه کـــۉره یٻر قریب 4.5 ملیــارد ییلگچــه عمرکــۉره دی. او قـۉیاشدن کٻینگی اوچینچی سیـاره حسـابلنه دی. عالملــر یٻر عمرینی ایکّی اساسی قسمگه بۉله دیلر. بیرینچی قسم: کــرفتــوزوی(یٻرنینگ یافق ویا یاشیرین عمری) بوبخش تقریبا 3.77 ملیـارد ییلگچــه اٻتیب بــاره دی. بــوحقــده عالملــر جـــوده آز معلوماتگـه اٻگـه بۉلیب، اولـر تاشلـر و کٻنگ دلـهلـر (پلاتفورم ) اوستیــده تدقیقات ایشلری آلیب باریب، آزگینه معلومات تاپگنلر. ایکّینــــچی قســــم: فنروزوی(یٻرنینــگ آچیق ویامعلوم عمری) تخمینا 730 ملیـــون ییلـــدن بویان عالملــر فــــۉسیــللـــرنی تحقیق اٻتیش بیلـــن کــــۉپ معلوماتلرنی بیزنینگ اختیاریمیزگه قۉیگنلر. 730 ملیــون ییلـــدن بـــویان عالملــر یٻرساحـه سیــده قیــدیریب تحقیق قیلیب، یٻـرده یشـــه دیگن ذاتلـــر اســاسیـــده معلومات قۉلـگه کٻلتیرگــن. یٻرشناسلراَیتیشیگــه کۉره، یٻرنینگ قطبلری(شمالیقطب و جنوبی قطب) حـــاضرگچــه تۉقیز مــرته اۉزگــریلـگـــن یعنی ایچــکی و تشقی عــامــللــر واسطــهسیــده اۉز یٻرینی اۉزگــرتیریشــگه آلیب کٻلــگن. یٻرنینگ حاضرگی شکلی اٻسه قریب 150 ملیون ییل ایلـگــری اۉرته گــه کٻلگن، سیز و بیز یشب تورگــن یٻر ییللــر مابینیده قـــۉغ و اوت شکـلیــده بۉلــگن، بیرنٻچـه مرته یٻرنی بــوتــونلی سوو باسـگن و ینه نېچه ییل موز قمرهب آلگن. خــلاصـه قیلیب اَیتگنده بو یٻر اوستیده جـوده کۉپ حادثـهلر و قوزغالیشلر و اۉزگریشلر یوز بٻرگن. تۉلقینلنیب تــورگــن دینگیزلــر هم ملیونلــر چــه ییلنی باشدن کٻچیرگن. اگر بیزهرقندهی تاشنی قولیمیزگه آلیب دقتبیلن قــرهسک، اونینـگ هر قــرّهسی، هــرخــال و رگی بیرعالــم سیرنی اۉزیــده مجسم اٻتگــن، ایاغیمیز آستیده یاتگن تۉپراق اوستیدن هم مینگلرچه حادثهلر اۉتگن، تٻگرهمیزدهگی آسمــاناۉپر تاغلر چوشقین بو دریالــر، تاغلــردن آذوقــه آلگـن دریالر، یۉللر آشیب دشت و دله لرنی سوغهریب سیراب قیله دی. قوملـر، تۉپراغلــر ییللــر بیلن قۉشیلیب مینگلب کیلو متر یۉل گٻزه دی، چول و صحرالر کٻنگ دشتلرگه اٻگه بۉلــگن و اۉرمانلر تاغ و دله لـــرنی قاپلب آلگن، بولـــرنینگ بیرارته سی هم اۉزیدن- اۉزی قیسقه پیتـــده تاپیلـــگن اٻمس، بلــکــه مینگلــر چه حادثه لرنی باشیدن کٻچیرگن، طبیعت قانونلری اساسیــده اۉرته گه کٻلگن دیر. بوندن سۉنگ هم او حکم سوره دی. علم و فن و تکنالــوجینینـگ قنچهلیک آلغــه کیتیشیگــه قــرهمی هلی هم انساننینگ بیلیملری یٻر حقیده یٻترلی اٻمس. بیز یٻر بارهسیــــدهگی دســـلبـــکی معلـوماتلــرنی حرمتـــلی اۉقووچیـــلر اختیاریگه تقدیم اٻتیش گه حرکت قیلدیک.
|
