|
شماره چهارم و پنجم سال اول ماه اسد و سنبله 1387 |
|
آی لر نینگ سلطانی
شَهرُ رَمَضانَ الَّذِی اُنزِلَ فِیهِ القُرانُ هُدًی لّلِنَّاسِ وَ بَیِّنَاتٍ مّنَ الهُدی وَالفُرقَانِ ج رمضــان آیی، اوشــه آی دیر که اونــده قرآن کریم نازل بــۉلــگن، بو قرآن کریم هــدایت دیرانسان لر اوچون، یۉل کۉرستووچی یارقین دلیل لردیر،حق و باطل نی بیربیریدن اجره ته دیگن دیر. ( البقره- رمضان سۉزی "رامض" کلمه سیدن آلینگن، رامض عربچه سۉز بۉلیب، معناسی اٻســـه ایسّیب قوغ بۉلگن تاش نی انگلته دی. قوغ بۉلگن تاش تیوره گ اطرافینی کۉیدیریب، پاک لهیــدی. شــونینگ دٻک رمضــان هم انســانلرنینگ گنــاه لــرینی کــویدیریب واونی اریتیب، پاک بعض بیر عالم لر نینگ أیتیشلریچه، "رمضان" ســـۉزی رامض کلمــه سیـــدن آلینگن، رامض عربچـــه ســـۉزی بۉلیب، معناسی اٻســـه کوزده یاغه دیگــن یاغمیرنی ایته دیلر. کـــوز یاغمیری چنگ و تــوپراق نی پاک لب، تٻگـــره میزدهگی کثـافتلــرنی یـــوق قیلــه دی، شونینگ دٻک رمضان هم انسانلر گناهینی پاک لیدی. رمضان آیی عبادت، تقوا، ذکر، پرهیزگارلیک و اوزگه لر گه یاردم کورسه تیش آیی دیر. رمضان آییده، انســـانلرنی توغری یۉلگه یوللش اوچـــون اﷲ(ج) تمانیدن نازل بۉلماققه باشله گن. مؤمن لر شوآیده روزه توتیش، تراویح نمازینی اۉقیش، زکات و فطر صدقه سینی بٻریش بیلـــن الله تعالی گه عبادت و بندهلیک نینگ یوکسک مقامی گه اٻریشـــه دیلر اۉزگه لرگه یاردم بیریشلری باشقه آیلردن کۉره کۉپیه دی. بوآی ده انسان اوز نفس خواهلشلری گه قرشی توریب، عیاشلیک و شهوتدن اۉزینی اســره یدی. روزه انساننی تایب و پرهیزگار قیلیب، طغیان قیلگن نفس لری آلدینی آله دی. حقیقتده رمضان آیی اﷲ(ج)نینـــگ کته نعمت لریـــدن بیری دیر. اگر رمضــان آییده خاص اﷲ(ج) رضاسی اوچون روزه توتیب، عبادت قیلسک، برچه گناه لریمیز پاک بـۉله دی. شواوچـون قیلگـــن گنـــاه و خطالریمیز اوچون اﷲ(ج) گه تــوبه قیلیب، کٻله جکده تــۉغری یوریش و انسانلر گه خدمت قیلیشنی تعهد قیلیشیمیز کیرهک. حضرت سلمان فارس (رض) پیغمبریمیز حضرت محمد(ص) دن روایت قیله دیلر: پیغمبریمیز حضرتلری شعبان آیی نینگ آخریده صحابه لرینی ییغیب، قوییدهگی مهم خطبه نی ایتدیلر: « ای انسانلــر! بویوک و برکت لی آی کٻــلماقده دیر، بوآیده مینگ آی دن یخشی و افضل بولگن، قــدر کٻچـهسی(لیلۃ القدر) بار. بو شـوندهی آی دیر که اﷲ(ج)، کونلریده روزه توتیشنی فرض و کٻچهسیـــده نماز اۉقیشنی نفل قیلگن. کیمی که بو آیده عبــادت قیلســه، ذکر وتسبیح اَیتسـه و یخشی ایشلر بـجـرسه، باشقـــه آیلردهگی بجریله دیگـن فرض ثوابینی قــۉلگه کٻلتیره دی و کیمیکه بیرفرضنی بجرسه، باشقه آیلرده قیلهدیگن ٻیتمیش فرض نینگ ثوابینی آله دی. بو آی صبر آیی و صبرنینگ اجری جنت دیر. بو آی باشقه لر گه یاردم و بیریش کیشیلرنینگ غم- قیغوسینی یوق قیلیش آیی دیر. بو آی ده مؤمن کیشی نینگ رزق و روزیسی کۉپیه دی. رمضـان آیی ده هرکیـم، روزهلی کیشیــگه افطـاریه بٻرسه، شو افطارلیک اونینگ گنـــاهلــرینی بغیشلش و دوزخ دن قوتیلیش و سیلهسی بۉله دی. افطار قیلگن کیشی نینگ ثواب هم کمیمهیدی. بلکه افطاریه بٻرگن نینگ ثوابیچه اونگه هم ثواب بٻریله دی.» پیغمبریمیز روزه و روزهلی کیشیــگه افطــاریــه بٻرهدیــگننینگ اهمیتینی ایتــهدیگن چــاغـلــریــده صحــابهلــردن بیرکیشی، ای رســـول اﷲ(ص) روزهلی کیشیلــرگه افطـاریه بٻریشگه برچه میزنی امکانیتیمیز یوق کو، دٻدی. پیغمبریمیز، روزه لی کیشیلرنی بیر پیالــه ســـوو، بیرخـرما و یا بیر پیاله سوت بیلن کوتیب آلگن آدم لر گه هم الله(ج) خودی شو ثواب نی نصیب ایته دی دیدیلر. بو جواب نی اَیتگنلریدن سۉنگ، پیغمبریمیز سۉزلریگه دوام بٻریب ایتدیلر: رمضان آیینینگ اولی رحمت، اۉرتهسی مغفرت و آخری دوزخ عذابیدن قوتیلیش دیر. کیمیکه بو آیده اوز خادم و نوکرلریگه آسانلیک یرهتسه اﷲ(ج) اونینگ گناهلرینی بغیشلب، جهنم عذابیدن بو آی ده تــۉرت ایشنی کۉپ راق بجرینگ: 1- شهادت کلمه سینی کۉپ اۉقینگ. 2- استغفار و توبه کۉپ قیلینگ. 3- اﷲ(ج)دن جنت تیلنگ. 4- اﷲ(ج)دن دوزخ عذابیدن قوتقزیشی نی تیلنگ. کیمیکه روزهلی کیشیگه سوو بٻرسه، اﷲ(ج) اونگه مٻنینگ حوضیمدن (حوض کوثردن) سوو ایچیـرهدی، بـــو ســــوونی ایچگـــنـــدن ســـۉنگ تا جنت گـــه بارگینیچــــه هیـــچ قچـــان سووسه مه یدی. (منذری- 94/2 ) پیغمبریمیزدن بیرحدیث قدسی روایت بۉلگن، الله تعالی(ج) ایته دی: «آدم اولادی نینگ برچه عمل لری اۉزلریدن، لٻکن روزه بوندهی اٻمس! نیگه که روزه مٻن اوچون توتیلگن، و اونینگ ثوابینی اۉزیم بٻره من.» روزهلی کیشیده ایککی قوانچ بار: بیرینچیسی افطار پیتیده اﷲ(ج) نینگ قــوناقی دیر. ایکینــچیسی، اﷲ(ج) دیدارینی کــۉریب، عـــالی مقــامگـــه اٻــریشـــگن وقتیـــده. روزه توتگن کیشینینینگ برچه اعضالری روزه بۉلیشی کٻرهک. پیغمبریمیز حضرت محمد(ص) ینه بیرحدیث لریده بونده ی مرحمت قیلگنلر: «روزه توتگن کیشی، خلق لرنی سۉکمه سین، باشقه لر نینگ اوستیگه بقیرمه سین هیچکیم بیلــن اوروشمــهسین، اگرباشقــه کیشی مــونی سۉکسه و یا اوروشسه اونگه، مٻن روزه من! دٻب عــذرتیلــه سین،روزهلی کیشینینگ آغیزینی ایسی اﷲ(ج) آلدیــده مشک هِیدی دن کۉره یخشی رمضان آیی شوندهی بیرکــۉزگـو دیر که بیزلرگه محتاج کیشیلرنی کۉرسته دی. روزه توتیش بیلــن آچلیک، سووسیزلیک و اٻرته دن آقشــامــگچــه ایشلش و زحمت چٻکیش معنی سینی بیله میز، فقیرو غریبلر حالیدن آگاه بۉلهمیز. فقیــر، یتیم و بیوهلــرگه یاردم بیریب، اﷲ(ج)نی اۉزیمــیزدن راضی اٻته یلیک. روزه آیی ده دعـــا رد بۉلمه یدی. بـو مبارک آیده اﷲ(ج) درگاهیگه یالباریب، اولکه میز ده صلح و تینچلیک برقرار بولیشی و اولوسیمیز سعادت و فراوانلیک حیات کیچیتیریشنی تیلب دعا قیلسک البته اجابت بوله دی. خــوشا او آغه-این و آپه- سینگیللر یمیز که بــومبارک آینینگ هرلحظــه سیــدن فایده لنیب، اﷲ(ج) رضـــاسی اوچـــون اولــوس گه خـــدمت قیلسـهلر، برچــه یرهمس ایشلردن اۉزلرینی اسرهب و یخشی ایشلرگه اورونسهلر!
حفیظ الله رحیق
|
