نوروز کيليشي بيلن وطنداشلر يميزدن مينگ لر چه سي يورت نينگ هرييرلريدن مزارشريف ده بولگن اسلام نينگ تورتينچي خليفه سي حضرت علي کرم الله وجه نينگ زيارت لريده ميله گل سرخ يا جهنده کوتريليش محفليني کوريش اوچون توپلنيب اولکه نينگ ايريم ييرلريدن قتنشه ديلر.

    شوکبي کارته سخي کابل ده بولگن حضرت علي کرم الله وجهه نينگ قدمگاه لريده نوروزکيليشي بيلن بيرميله اوتکريليشي کوپ وقت لردن بويان رواجي بار. وباشقه ولايت لرده کي زيارت لرگه عايله لر باريب دعا ودرود يوللي ديلر. وشوپيتده ينگي ييل وينگي کون سوغاتي قول وقرارقيلينگن قيزلراوييگه کياوعايله سي آليب باره دورلرکه بوسوغات لرينگي کييم لر،اوشه فصل نينگ ميوه لري وباشقه طعام لردن عبارت دور. ايتيشگه شايان دورکه بوينگي ييل نينگ کيليشي بيلن ساوغه ايلتيش عايله لراقتصادي توان لريگه کوره فرق ايته دي.

    هرييل نوروزکيليشي بيلن افغانستان ده نوروزرسم ورواج لري يولگه تشلنه دي بورسم رواج لرقوييده گي لردن عبارت دور:

◄   اوي نينگ توشک لريني وظرف لريني تازه لش که بوندن مقصد کهنه ييل نينگ توپراق لري دن اوزلرين اوزاق لنتيريب تازه ييل کيليشي بيلن بيرينگ تيريکچيليک باشله ماقچي بوله ديلر.

◄   يتي تورلي قوروق ميوه لردن بيرطعام لي ايميش تيارلب واونينگ نوروزکون لريده اوز دوست وقرداشلري بيلن ييد يلر. بوطعام تيارلش کوپ وقت لردن بويان بيزنينگ عزيزاولکه ميز افغانستان ده رواج بارليگي تاريخ وفرهنگي ميزنشانه دور.

◄   شوکبي يتي تورلي ايمليک که (هفت سين) آتيده شهرتي باراولرسبزه، سيب، سرکه، سنمک، سمارق، سير، وسبزي دن عبارت دورلر، بو هفت سين آتيده بولگن طعام لرنينگ نوروز کيله ديگن کيچه سي دسترخوان نينگ يازيب اوستيگه تيره ديلر.

 ◄   قيزيق عنعنعه لردن بيري هم ينگي ييل کيليشي بيلن سمنک تيارلش ميله سي دورکه نوروز کيچه لريده اولکه ميزنينگ کوپراق ييرلرينده يولگه تشلي دورلر.

 بوسمنک تيارماق اوچون 10-15 کون نوروزدن اونگ بيرآزبوغداي نينگ بير سووليک ايديش گه تشلب هرکون اوننيگ سووي ني تازه ايته دورلرتا اوشه پيتگه چه که بوغداي نيش تارتيب کوکرسه واندين سونگ نيش تارتگن بوغداي لرنينگ ايديش لرگه آليب ييره تيب کوني گه قويه ديلر هرکون نيچه قتله انينگ سووبيلن تازه لي دورلر، نيچه کوندن سونگ بوغداي کوکلب واندين سونگ کوکله گن بوغداي نينگ بولدب ماشين دن اوتکره ديلروقولگه سوويني بيربويوک قازان گه تشليدورلر سونگره ايسه اوشه عايله دن بيرياش اولوغ عيال باشقه لرنينگ ياردمي بيرلن سووتشلنگن قازان ني اوچاق اوستيگه آليب قويه دي اندين سونگ اوت ياقه باشلي ديلر بواوت ياقيش دواميده ايتيلگن قازان گه اون وسوو تشلب بو طعام ني 7-8 ساعت گچه کفگيربيلن قوزغب تيارليدولر.

اوشل کيچه قيزوخاتون لردپ نينگ آليب شوق بيلن اوقيب چاله ديلر. اوقيش لري قوييده لردن عبارت دور:

سمنک نذربهاراست

ميله شب زنده داراست

اين خوشي سال يکباراست

سال ديگريانصيب

سمنک درديگ ما کفچه زنيم

 ديگران درخواب، ما دفچه زنيم

سمنک تياربولگندن کيين انينگ ايرتنگ تمانيدن سوت، قيماق وسريغ ياغ بيلن بيرگه ايگنده بيرخاص مزه ني اوزگه اختيارايله ي دي.

    سبزه کوکرگن ييرلر گه ميله قوريب کيتش هم (سبزه لگد) آتيده شهرت قازانيب نوروز رسم ورواج لريدن بير حسابلنه دي که بوميله قوريب سبزه ليک ييرلرگه باريش بيلن قيش نينگ قتيق ساووغي دن سولگن وجود لري تازه بوليب وروحيه لريگه  فارم لي بيرکون حساب بوله دي.