|
حضرت محمد (ص) شريف ميلادي نينگ آلديندن نشانلش محفلی |
|
|
|
|
1386-نچي ييل حوت آيي نينگ 26-نچي سيده اندخوي عالي اوقوويورتيده حضرت محمد مصطفي (ص) شريف ميلادي نينگ آلديندن نشانلش محفلي قوريلدي بونشانلش اندخوي آيدين عالي اوقوويورت نينگ طلبه سي بولگن
ارجمند محمدعيسي جان نينگ قرآنکريم آيت لري ني تلاوت ايتيشي بيلن باشلنيب تبرک تاپدي، اندين سونگ فضيلت مأب مولوي قربان حاتمي اندخوي حج واوقاف مديري آنحضرت (ص) مبارک مولود لري توغريسيده سوزيوريتيب اوکيشي نينگ اعمال لري نينگ فضيلتي، صداقت، قناعت واسلام مبين ديني گه چارلش اوچون تارتگن زحمت لري توغري سيده هرتمانلمه معلومات بيردي. اندين سونگ حرمت لي عبدالرحيم تيمورافغانستان آيدين انجمني نينگ کورديناتوري اسلام دن آلدين شرايط لرواو وقت نينگ خرافات پرست ليگي دن سوزيوريتيب واوشرايط گه قره گنده آنحضرت(ص) نينگ پيغمبرليک گه مبعوث بوليش ليک لريني لازم ليگي ني يوقلب اوتدي که حاضرکيشي لرقبوليگه قرارتاپدي. شوکبي حرمتلي عبدالاحد حقيار آيدين اندخوي ماهنامه سي ني مسئوول مديري، مولوي عوضمراد(داهي) و «فطرت صاحب» فارياب ولايتي نينگ انساني حقلراورين باسري اوزنوبتلريچه اينقسه حضرت محمد(ص) نينگ تيريک چيليک، اخلاق وخوي وعادات لري، ايناغه ليک وبرادرليک ني اورته گه کيتورگن لري حقيده توليق معلومات بيردي لر. ايتيشگه سزاوارکه ايتيلگن سوزلراراسيده نعتيه وشعرلريکه آنحضرت (ص) نينگ صفت لري توغريسيده ايتيلگن ايدي عالي اوقوويورت نينگ طلبه لروبومحفل نينگ آليب باروچي لري تمانيدن قرائت بولدي، اوشبوپيتده محفل توگه مسدن آلدين ذهني سوراغ لرکه آنحضرت (ص) اخلاق وسيرت لري توغريسيده تيارلنگن ايدي عالي اوقوويورت نينگ طلبه لري ني قتنشه شي بيلن يولگه تشلنيب حاضرکيشي لرنينگ علاقه سيگه سبب بولدي واوشبوذهنيسوراغ لرآرقه لي طلبه لرعلاقه سي آنحضرت (ص) اخلاقي وتيريک چيليگي توغريسيده کوپه ييب کيتدي. محفل اداغيده نعتيه لربوعالي اوقوويورت نينگ طلبه لري تمانيدن حاضرکيشي لرنينگ حضورلريگه ترنم بولدي. محفل بيرتعداد تحفه لريگه آيدين فرهنگي انجمني تمانيدن تيارلنگن ايدي توزيع محترم مولوي قربان حاتمي اندخوي حج واوقاف مدير ي نينگ دعائيه سي بيلن اداغ گه ييتوشدي. حرمت بيلن اندخوي آيدين عالي اوقويورتي |
