دنیا تورکی خلقلری اینیقسه افغانستان نینگ اۉزبېک و تورکمنلری اۉزلری نینگ مقام خوان حافظی استاد عبدالغفورکمال بیلن ابدی وداعلشدیلر.

    رحمتلی استاد عبدالغفورکمال ( غفارکمال) چارشنبه کونی 21 می (بیرینچی جوزا) شمالی افغانستان - جنوبی تورکستان نینگ شبرغان شهریده  82ییل عمرکۉریب، یوره ک کسل لیگی عاقبتیده عالمدن اۉتدی.

     آیدین افغانستان فرهنگی اویوشمه سی نینگ رهبرلیک کینگشی و بوتون اعضالری اوشبو الملی واقعه دن چقور قیغوگه چۉمیب، مرحوم نینگ فرزندلری، اخلاصمندلری و بوتون تورکی خلقلرنی، اۉز عمرینی تورکلرنینگ اېنگ اصیل موسیقی سی - مقام خوانلیک گه بغیشلب، افغانستان کبی بیر حدود ده اۉزبېک کلاسیک موسیقی سی رواجیگه سلماقلی حصه قۉشگن فرزندی نی بی وقت یوقاتگنی اوچون تسلیت اظهار اېته دیلر.     استاد کمال اۉز وقتیده بیرقطارحافظ خواننده لرگه موسیقی اینیقسه مقام سرلرینی اۉرگتگن اېدی. بیراق هلی ینه اۉنلب کیشی یاشلر نی اۉزیگه ایرگشتیریب افغانستان مقام خوانلری صفیگه قۉشیشی کوتیلردی. افسوس که اوشبو اولکن آرزو عملگه آشمه ی قالدی .   بیرعمر اۉزی نینگ فطری استعدادی و باطنی ذوقی بیلن مقام خوانلیکنی اوج پله سی گه یېتکزیشگه تورلی مشقتلرچېکیشنی قبول اېتگن غفارکمال سیز افغانستان ده کلاسیک موسیقی کېله جگی خصوصیده تشویشلراۉیغانیشی طبیعی. چونکه اونینگ اۉرنینی تیز آره ده تۉلدیریش ممکن اېمس دیک تویوله دی. غفار کمال بوندن بویان دوره میزده هیچ قچان کۉزگه تشلنمه یدی. تیریک لیگیده او و اونگه اۉخشش نادر و بویوک ذاتلرنینگ قدریگه یېتمه گنیمیزنی یخشی انگله یمیز. افسوس که اوشبو حال بیزنینگ جامعه میزده بیر نامعقول عادتگه ایله نیب قالگن.آیدین افغانستان فرهنگی اویوشمه سی مرحوم غفار کمال نینگ ایزداشلری و شاگردلرینی، مرحوم استادلری گه یخشی پیرو بۉلیشلری و استادیۉلینی دوام اېتدیریب اوکیشی نینگ روحینی شاد اېتیشلرینی ایسته یدی. شونینگدیک ملتداشلریمیزدن، غفار کمال اجراسیده یازیب آلینگن موسیقی و مقاملرنی دولت وشخصی آرشیفلرده کۉز قره چیغیدیک اسره شلرینی التماس اېته دی. 

رحمتلی غفار کمال نینگ یېری جنتده بۉلسین.

آیدین افغانستان فرهنگی اویوشمه سی