سه شنبه آقشامی افغانستان آیدین فرهنگی اویوشمه سی نینگ  کابلده گی یاتاق خانه سیده شعر کیچه سی عنوانی آستیده بیر اولتیریش بولیب اوتدی .

 بو اوتیریش کلام الله مجید دن نیچه آیت حفیظ الله هاشمی آرقه لی تلاوت ایتلگنی دن سونگ باشله ندی.

اوندن کیین استاد عبدالرحیم تیمور بو توغرریده سوز یوریتیب یاشلر نی کوپراق بو کبی اولتیریش لرگه اونده دی. تیمور جنابلری تیار لگن شعرینی هم حاضر کیشی لرگه تقدیم ایتدی.انه شکبی کابل عالی اوقو یورتی و پل تخنیک اوقو یورتی نینگ بیر قطار طلبه لری نوبت بیلن تیارلگن شعر لرینی اوقیب حاضر کیشی لر تمانیدن تقدیرلندی.

ییغینا ت اداغیده کابل اوقو یورتی تیل و ادبیات فاکولته سی ترکچه بولیمی نینگ اوقوتوچی سی عبدالرحیم معصو می سوز گه چیقیب بو اولتیریش نتیجه سینی تیکشیردی. معصومی جنابلری آنه تیلی اهمیتی توغریسیده سوز یوریتیب یاشلرگه اوز آنه تیل لرینی اونیب اوستیریشی اوچون هارمسدن کوره شیش لرینی طلب ایتدی.

ایتیش کیرک کیم افغانستان آیدین فرهنگی اویوشمه سی کابل یاتاق خانه سیده یاشلر فکرلرینی اوستیریش اوچون هرهفته شعر کیچه سی و کنفرانس لر بولیب اوته دی.

خبر چی نوراحمد یورتداش