هر زمان کوکلم بولیب قالمس حیا تینگ ای ییگیت

                توت فقیرلر قولیدن ، کوز فصلی کیلگی بیر زمان

آیدین افغانستان فرهنگی انجمنی ،بیرعلمی و فرهنگی قوریلش صفتیده 1383 نچی ییل دن بویان افغانستان ده گی اوقیش یولیده آدیم قویگن یاش لرگه مادی و معنوی جهتدن خذمت قیلیش نیتیده وهمده اقتصادی جهت دن ضعیف و کوچ سیز قالگن اوقوچی لرگه یاردیم بیریش اوچون، فاریاب،سرپل وتخارولایتلری واندخوی اولوسوالیگیده اوقویورت لرآچیش و بو اوقویورتلرده کانکورسناو لری اوچون حاضرلیگ ،سناو واوقیش پروگرام لر نی اینگ جدی و گوزل شکلیده تطبیق لش ، کابل و مزار شریف شهرلریده دولت تمانیدن یاتر خانه بیریلمگن و بو سبب دن چاره سیز قالیب اوقیش و تحصیل نی ترک ایتماق اوچون مجبور قالگن فقیروامکانیت سیزمحصل لرده یاتر خانه آچیش بیلن یاردم بیریش و اونینگ تحصیل و تعلیمیده یاردم و کوچ بیریش نیتی ده آچلیب و فعالیتی ده دوام بیرماقده دیر.

آیدین افغانستان فرهنگی انجمنی بوندن تشقری یاش لر نینگ معنوی جهتدن علمی و اخلاقی ظرفیت لری نی یوکسلتریش اوچون آیدین مجله سی، آیدین فاریاب هفته لیگی،آیدین سرپل، آیدین تخار ، آیدین اندخوی آیلیک جریده لری نی چاپ ایتیش و همده یوقاریده ایتیب اوتگن یاتر خانه لرده علمی و فرهنگی یغلیش و تربیتی پروگرام لر آچیشی بیلن خذمت آلیب بارماقده .

1387نچی ییل کانکور سناوی نتیجه سی، که اونینگ نتیجه سی ده 520  دن آرتیق اون ایکینچی صنف نی بیتیرگن وتعلیمی حیاتیده دواملی بیر شکلیده آیدین افغانستان انجمنی گه منسوب بولگن اوقویورتلری ده کورس آلیب بارگن یاش لرنی دولت عالی اوقویورتلری(فاکولته لر) گه یول تاپیشی بیزلر اوچون بیوک بیر اورنک و مثال دیر .

یاش لرگه علمی جهتدن آرتیق معنوی کوچ و قوت بیریش و اولر نینگ یورگیده الله (ج) ، ملت و و طن سیوگی سی نی تیرغیزیش و اولر نی افغانستان کیله جگی اوچون خذمت گه تیارلش ، آیدین افغانستان فرهنگی انجمنی نینگ اینگ بویوک نیت و هدف لری دن بیری حساب له نه دی.

طبیعی که بوایش لرنی منطقی و یوکسک بیر شکلیده یولده آلیب باریشی قولی وآسان ایمس . بو نیت نی یولگه تشلش اوچون آیدین افغانستان فرهنگی انجمنی نینگ اعضا لری نی ،انجمن یارقین چراغی اطرافیده پروانه لر کبی یغلیشی و(آز بولسه هم ساز بولسین) دیگن خلقمیز مقالی کبی بیر نانی نینگ یریمی نی بیریشی گه نیت قیلیب  او لرنی  مادی و معنوی یاردم لری بویوک بیر اهمیت گه ایگه. بو بیر آچیق و آیدین سوز دیر کیم بو مبارک ایش لرنی بجریش وصبر و متانت بیلن بو یولده آدم قویش ،اوزی دن ایری جسارت و همت ایستی یده .آیدین افغانستان فرهنگی انجمنی اعضا لری ،الله (ج)یاردمی وخیر سیورو احساسلیگ یاش لر جسارتی بیلن بوبویوک ،انسانی و اسلامی وظیفه نینگ کوچ و قوتی باریچه یاردم بیریش بیلن آلیب بارماقده دیر. اما بو یلغوز انجمن اعضا لری نینگ وظیفه سی ایمس .افغانستان دن یشه یاتگن سیز کبی برچه احساس لیگ و علم سیور انسان لر نی وظیفه سی هم بو انسانی ایشلرنی بجریشی و بو انجمن نینگ مادی و معنوی جهتدن قوللب و قوتلشی دیر.اگر بیز نینگ یاش لریمیز یوز لر چه مشقت و قینچلیک لردن اوتیب کانکور امتحانیده کامیاب بولگن دن کیین دولت تمانیدن یاترخانه زمینه سی مساعد بولمه گنی اوچون ،یوزلرچه مشقت بیلن رطوبت لیک اتاق لر ده یشب و یا هم امید سیز لیک بیلن تحصیل و تعلیم نی قویباریب کیتسه لر، بیزلر اوچون نا توغری ایمس می؟ بولرده یاتر خانه لر آچیب و مرحمت سایه بانی سایه سیده آلیش بیز لر نی وظیفه میز ایمس می ؟ بوحالده بیزبو دنیا ده کیله جک نسل لرده  وآخرت ده هم الله(ج) حضوریده نیمه جواب بیره میز ؟ بو حالتلرده کوز یومیشمیز، انسانی و اسلامی باقیشدن کورمه مسیمیزگناه ایمس می؟ قنی خلقیمیز و یاشلریمیز اوچون خذمت قیله میز دیگن سوز لر،واونیگ نی زمان عملگه آشیره میز ؟ امکانیت قولدن کیتگن دن کیین می ؟

عزیز و حرمتلی اینی آغه لر :

آیدین افغانستان فرهنگی انجمنی سیز احساس لی و معارف پرور،آرقه داشلردن صمیمانه ایستیده که ،بو انسان سیور لیگ هدف اوچون بیز لرنی یلغوز قویمی و هر زمان مادی و معنوی یاردم و امکانیت بیلن قوللب و قوتلنگ .

آیدین افغانستان فرهنگی انجمنی نینگ کابل بانگ ده گی حسابی

1001201040962

        عبدالرحیم «تیمور» آیدین افغانستان انجمنی کوردیناتوری نینگ مبایل نمره سی0093799251520 

ایمل آدرس : This email address is being protected from spam bots, you need Javascript enabled to view it

                        www.aydinafghanistan.org   ویب سایت