حرمتلی دوستلر!

  همه دن آلدين حرمتلی ايناغه ميز داکتر صاحب محمد عارف صدری جنابلريگه آيدينفرهنگی انجمنی قوريلگن دن بويان قيلگن فعاليت لری اوچون اوز آتيم گه منتدار چيليکبيلديره من.

بيز آيدين انجمنی اعضاسی صفتيده حرمتلی صدری جنابلريگه بومسؤليت نينگ يخشی ليک بيلن عهده سيدن چقه دی ديگن ايديک. بوگون واقعاً آيدين فرهنگی انجمنی افغانستانده بير مارک، بير ظرفيت بوليب قالگن. البته انه شو يرده حرمتلی محمد عارف صدری جنابلری نينگ شخصی تلاش لری نی کم کوزگه آلميش کيره ک. مین آيدين انجمنی باشليگی و يا رياستی گه کانديد قليشيم نينگ سببی البته اوشبوانجمنی نينگ ايش لريدن راضی بولميش ايمس، اعتراف ايتيش کيره ک که آيدين افغانستان انجمنی بوگون افغانستانده بير مارک صفتيده اوز اورنی نی آلگن، مين نينگ کانديد ليکدن مقصدیم، ايناغميز داکتر صاحب محمد عارف صدری جناب لريگه دم بيريش و ينگی هدفلرو ينگی استراتيژيلر بيلن ينگی آيدين لیکلرگه توغری ايلگری کيتيش دير. اميد ايته من که همه  دوستلر، قندی که صدری جنابلری بيلن همکار ايديلر، مين بيلن هم همکار بوله ديلر.ايتيب اوتيش کيره ک که مين محترم محمد داود قیومی و امرالدين قربان جنابلری نی هم اوز معاونلریم صفتيده اوز تيميمگه آلگن من، و قالگن کميته لرنينگ مسؤللرينی هم اجرايه هيتی سيلنگنی دن کيين تعيين ايتماقچی میز. ايتيب اوتيش کيره ک که ايريم استعدادلی کيشی لردن فايده لنيش مقصدی بيلن من حرمتلی سنجر بيگ کارگر، سيد انورسادات، فضل احمد بورگيت، بیکتاش ایشچی و سید پسر علی جنابلرينی هم مشاورلریم صفتيده اوز يانيمده آليش نی هدف له گنمن، اميد ايته من همه ميز بيرليکده مؤفق بوله ميز.

حرمتلی دوستلر! انه شو تاريخ دن سونگ بيز آيدين فرهنگی انجمنی ينگی اجرايه تيمی تینمسدن اوز مشترک هدفلریمیزگه توغری آلگه کیتیشگه اینتیله میز. یقین کیله جکده گی  هدفلريميزنی شوشکلده خلاصه ايتيش ممکن.

1) اساس نامه ده کی برچه حکم لرنی بيرگه بير تطبيق ايتيش.

2)   آيدين فرهنگی انجمنی فعاليت لرينی توسعه بيريش اوچون ولايت لرده کوپراقفعاليت قيليش و ولايتلرده نماينده ليک لر آچيش.

3) انجمن نينگ اعضاسی آره سيده سوابق نينگ تعيينی اوچون هويت کارتی توزه تيش.

4) آيدين افغانستان انجمنی نينگ فعاليت لرينی توسعه بيريش اوچون ولايتلرده کیاوقوچی لرگه ليليه آچيش.

5)   افغانستان تشقريسيدن کمکلرنی جلب ايتيش اوچون ضرور بولگن قانونی ايش لرنی يوريتيش.

6) افغانستان ياش استعداد لرينی بيرلش تيريش و آيدين انجمنی گه جلب ايتيش اوچونضروری ايش لرنی يورتيش.

7) آيدين افغانستان انجمنی نينگ قانونی ايش لرينی يوريتيش گه هيچ قندی غفلت قيلميش،

انشاء الله همه ميز برابر بو ايش لرنی عهده سيدن چيقه آلميز.

حرمت بیلن

صبرالدین رحمانی

آیدین افغانستان ایوشمه سی رئیسی